ఫైమా.. బిగ్ బాస్ సీజన్-6 లోకి కంటెస్టెంట్ గా వెళ్ళి మంచి ఫ్యాన్ ఫాలోయింగ్ ని సంపాదించుకుంది. బిగ్ బాస్ తర్వాత మొదలైన బిబి జోడీ డ్యాన్స్ షో లో సూర్యతో కలిసి జోడిగా పాల్గొంటూ తన డ్యాన్స్ తో ఆకట్టుకుంటుంది.

గత వారం జరిగిన బిబి జోడి సెమీఫైనల్‌లో శేఖర్ మాస్టర్ గెస్ట్ గా వచ్చాడు. ఫైమా డ్యాన్స్ చూసి తనని హీరోయిన్ గా పెట్టి సినిమా తీసే డైరెక్టర్ వస్తాడని కాంప్లిమెంట్ కూడా ఇచ్చాడు. దీంతో ఫైమా తెగ సంబరపడిపోయింది. అయితే పైమా ఎప్పటికప్పుడు తనకి సంబంధించిన ఫోటోలను ఇన్ స్టాగ్రామ్ లో పోస్ట్ చేస్తూ అభిమానులకు దగ్గరగా ఉంటూ వస్తుంది. తాజాగా తన ఇన్ స్టాగ్రామ్ లో తన అభిమానుల కోసం 'ఆస్క్ మీ క్వశ్చన్' స్టార్ట్ చేసింది. అందులో కొన్ని ఆసక్తికరమైన ప్రశ్నలను సెలెక్ట్ చేసుకొని వాటికి సమధానమిచ్చింది  ఫైమా.

మిమ్మల్ని కలవాలి కానీ అది పాజిబుల్ అవుతుందా? అని ఒక అభిమాని అడుగగా.. పాజిబుల్ అవుతుందని ఫైమా అంది. మీకు సినిమాల్లో అవకాశం వస్తే నటిస్తారా అని అడుగగా.. ఫుల్ లెంత్ క్యారెక్టర్ వస్తే చేస్తానని సమాధానమిచ్చింది ఫైమా. మీ జీవితంలో మీకు అత్యంత ముఖ్యమైన వాళ్ళెవరని ఒకరు అడుగగా.. నా ఫ్యామిలీ మొత్తం నాకిష్టమని ఫైమా చెప్పింది. అయితే తాజాగా తన ఇన్ స్టాగ్రామ్ స్టేటస్ లో 'బై బై రాయగఢ్' అని పోస్ట్ చేసింది ఫైమా. దీంతో తను రాయగఢ్ లో ఏదో ఒక ఈవెంట్ కి వెళ్ళినట్టుగా తెలుస్తోంది. ఇలా ఎప్పటికప్పుడు తన అప్డేట్స్ ని ఇన్‌ స్టాగ్రామ్ లో పోస్ట్ చేస్తూ తన అభిమానులకు అందుబాటులో ఉంటుంది ఫైమా.